Кызыл-Суу айыл өкмөтүндө «Социалдык контракттын негизинде социалдык жардам көрсөтүү» программасынын алкагында жарандар менен түшүндүрүү иштери өткөрүлдү.
Иш-чарага жөлөк пул алуучу жарандар катышып, аларга мамлекет тарабынан берилүүчү 150 000 сом өлчөмүндөгү каражатты алуу шарттары тууралуу кеңири маалымат берилди. Ошондой эле, каражатты алуу үчүн милдеттүү түрдө бизнес-план түзүү талап кылынары жана аны туура даярдоонун жолдору практикалык мисалдар менен түшүндүрүлдү.
Жолугушуунун жүрүшүндө адистер жарандардын суроолоруна жооп берип, ар бир катышуучуга өз алдынча ишкердикти баштоо боюнча кеңештерин беришти.
Бул программа аз камсыз болгон үй-бүлөлөрдү колдоого алып, алардын туруктуу киреше табуусуна шарт түзүүгө жана жашоо деңгээлин жакшыртууга багытталган.
