Кызыл-Суу айыл аймагына караштуу Жалгыз-Өрүк айылында 225 орундуу заманбап мектептин курулуш иштери ийгиликтүү аяктады.

Мектептин эскиздик долбоору Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин Жети-Өгүз районунун шаар куруу жана архитектура башкармалыгы тарабынан иштелип чыккан.

Курулуш иштери 2023-жылы башталып, толугу менен бүткөрүлдү. Бүгүнкү күндө мектеп пайдаланууга берилип, окуучуларды кабыл алууга даяр.

Бул долбоордун ишке ашырылышы айылдагы билим берүү шарттарын жакшыртып, окуучулар үчүн заманбап жана ыңгайлуу шарттарды түзүүгө өбөлгө болду.